Kalibutan kon biyaan

1
Kalibutan kon biyaan,
Si Cristo m’oy mabatonan;
Gawas Niya tanang butang
Basiyo ug kakawangan!
  O pagkadato ni Cristo,
Magtagbaw’s kinahanglan mo!
Katam-is N’ya’g kamaayo,
Labaw sa gitinguha mo.
2
Kon si Cristo madawat mo,
Ubang butang wa nay gusto;
Kay S’ya ray gikin’hanglan mo,
Magtagbaw’s kasingkasing mo.
3
Kalibutan bisan dako,
Gamay ang kasingkasing mo,
Kalibutan ug kadato,
Di makapuno kanimo.
4
Kon may Cristo, may kalipay;
Kon way Cristo, kasakit lang;
Kon may Cristo masanagon,
Kon wa Siya, way paglaum.