1* Anak Ka sa Dios, Ginoo
|
1
|
Anak Ka sa Dios, Ginoo, Hingpit N’yang pagpadayag; Diha Nimo Dios namulong Nganhi kanamo karon. |
|
2
|
Kasanag Ka’s ’yang himaya, Hulma’s ’yang pagkamao; Ikaw ngani ang Dios mismo, Hingpit N’yang sugilanon. |
|
3
|
Uniberso binuhat Mo, Ikaw gyud ang nagsapnay; Gitudlo’s Dios manununod’s Panulondong tinuod. |
|
4
|
Sa sala Ikaw naghinlo, Naglingkod Ka na’s trono, Naghulat nga mapasakop Tanan nga kaaway Mo. |
|
5
|
Ngalang labaw’s ngalan’s anghel, Napanunod Nimo’s Dios; Kanamo kinabuhi Ka, Kay Espiritu man gud. |
|
6
|
Gingharian iya’s katarung, Trono magbarug’s dayon; Dios nagdihog Nimo’s gugma, Wa gyuy pagkadaan Ka. |
|
7
|
Tawo Ka gayud nga tinuod, May kinaiya’s tawo; Namatay Ka alang namo, Maamo ang sukod Mo. |
|
8
|
Nasakop Mong tanang butang, Gipurongan’s himaya; Kapitan Ka’s kaluwasan, Sa pag-antus nahingpit man. |
|
9
|
Yawa Imo nang gilaglag, L’was na mi’s kamatayon; Gibalaan Mo man karon, Ug sa himaya dad-on. |
|
10
|
Gipaila Mo kanamo, Ang Ngalan sa Amahan; Nanguna’g awit’s Iglesia, Sa mga pagdayeg Niya. |
|
11
|
Ingon sa nagtukod’s balay, Labaw Ka man ni Moises; Apostol Kang sinugo’s Dios, Sa labawng dungog takus. |
|
12
|
Sa pahulay nakasulod Nimo Josueng tinuod; Hingpit Kang kal’wasan namo, Among sentro’s pagtoo. |
|
13
|
Langitnon Ka nga pahulay, Nagpuyo’s espiritu; Yuta Kang among kasudlan, Manunod’s kaayo Mo. |
|
14
|
Labaw sab Ka ni Aaron, Ikaw mismo m’oy halad, Labawng Sacerdote mosu’d’s Dapit labing balaan. |
|
15
|
Melquisedec Ikaw namo, May kinabuhing dayon, Magsilbe’s “tinapay’g bino,” Matag kinahanglanon. |
|
16
|
Ikawng mas maayong halad, Sa dayong Espiritu, Alang namo’s Dios gihalad, Maangkong kaayo Mo. |
|
17
|
Pakigsaad mas maayo Ang nahimo’s dugo Mo; Gihatag Mong bag-ong tugon, Sa mga tinubos Mo. |
|
18
|
Igo Ka g’yung Magbubuhat, Duna Ka g’yuy katakus; Batid sab nga Maghahatag, Tanan among nadawat. |
|
19
|
Takus Ka nga Tigpatuman, Ug Tigpataliwala; Kinabuhi’s pagkabanhaw, Paagi sa pagtuman. |
|
20
|
Nakasulod Ka na’s tabil, Among Mag-uuna Ka; Pinaagi’s kinabuhi, Modagan kami’s lumba. |
|
21
|
Mag-uugda’g Maghihingpit Ikaw’s among pagtoo; Sundon Ka’s gugma’g pagtoo, Magpasakop gyud Nimo. |
|
22
|
Di matupngan Ka, Ginoo, Sa pagkabililhon Mo; Pagkahingpit, kompleto Mo, Di masukod sa tawo. |
Mahimong pamub-on kining alawitona pinaagi sa pagkanta lamang sa estansa 1,2,7,9,11,14,17, 21, ug 22, nga gimarkahan sa asterisk.