Hymn: Matud Mo Punoan Ka's Parras

Favorites

Matud Mo Punoan Ka's Parras

Mode: MP3/MIDI

Matud Mo Punoan Ka's Parras,
Ug ako Imong sanga,
Apan wa ako masayud
Nganong di ko mamunga.
Nangandoyng mamunga ko'g daghan,
Kinabuhi madayag;
Trono Mo mapasidunggan,
Pagbuot Mo madayag.
Apan wa ako makasabut
Pulong Mong "Magpabilin,"
Naninguhang "magpabilin,"
Nisamot mang nigawas.
Wa mabating nagpabilin ko,
Bisan nag-ampo's hugot,
Apan mora'g layo Ka man,
Wa gihapon koy bunga.
Punoan's Parras Ka man gayud,
Ako sanga na man sab!
Pagdawat kong Manlul'was Ka,
Matuod nang sanga ko.
Naa na man ko Nimo karon,
Di na sudlon pa nako;
Kay nausa na ko Nimo,
Usa's unod, bukog Mo.
Ang sekreto—"dili mosulod,"
Kondi' "nasulod na" ko!
Di gyud mobiya—ampo ko,
Di unsaon makasu'd.
Nasulod na ko diha Nimo,
Unsang dapita kini!
Di na mag-ampo'g makigbisug,
Dios mismo ang nagbuhat.
Nia's sulod—wa gyuy alamag,
Nihangyo pang mosulod!
Karon's pagdayeg ug kalipay,
Sa Pulong Mo nipuyo.
Hingpit kong nipahulay Nimo,
Nibuwag na's kaugalingon;
Kinabuhi Ka ug gahum,
Ikawng tanan kanako.